كلمات ترنيمة : مش عارف احكيها يارب

⁽¹⁾ مش عارف أحكي عن جمالك
والاوصاف فاقت الخيال
وتزيد حيرتي وانا في حجالك
في حضورك كل الجمال


^(ق) مش عارف احكيها يارب
تسبيحتي مش عارف احكيها
كل حاجة فيك تتحب
وصفاتك انا مسبي فيها


⁽²⁾ ازاي أهديك كل المجد
والسموات تحكي عن مجدك
تسبيحك في السما والأرض
وانت عالي يارب وحدك


⁽³⁾ بيبهرني مشهد صليبك
ومحبة فوق كل حدود
دمك يستر كل خطية
موت وقيامة سر الوجود


⁽⁴⁾ إسمك دهن فرح لحياتي
كل خلاصي في اسم يسوع
من فجر الايام لاخرها
اسمه في كل الكون مرفوع


⁽⁵⁾ بتخجلني اعمال ايديك
مراحمك مبتنتهيش
صغير انا كل افضالك
وجمايلك متتنسيش



خريطة الموقع