كلمات ترنيمة : مش ممكن يرتاح قلبك

⁽¹⁾ مش ممكن يرتاح قلبك
وانت بعيد عن ربك
لو ربحت العالم كله
مش ها يريَّح قلبك


كل العالم باطل
كله قبض الريح
يا اللي عايز يرتاح قلبك
تعال للمسيح


⁽²⁾ مهما تعمر في الدنيا
بكره لا بد تموت
اوعى الفرصه تضيع منك
اوعى الفرصه تفوت


اسمع صوت إلهك تعال للمسيح
قول له ارحمني أنا الخاطي
في لحظه تستريح


⁽³⁾ وانت مسافر ع الأبديه
لا بد تكون وياك
تذكرة السفر مختومه
بدم يسوع مولاك


خدها منه الآن
لا يفوت الأوان
ترجع تندم وتضيع منك
فرصة الغفران


⁽⁴⁾ وانت يا اللي في كوره بعيده
بعد ما كنت أمير
ترجع تشتهي الخرنوب
اللي بتاكله الخنازير


كل العالم باطل
كله أنين ودموع
مش ممكن يشبع قلبك
غير الرب يسوع



خريطة الموقع