كلمات ترنيمة : مش هاقول إداني فضة

يالا عظم العطيه اللي إدهاني ربي دي عطيه مجانيه فرح بيها قلبي


مش هقول إداني فضه ولا إداني دهب
و آدي العالم ملا وفضى لكن جل من وهب


ده وهبني بنويه وبقى هو ابويا
بيعاملني بالحنيه اكتر من امي واخويا


ده وهبني الخلاص واعطاني الحريه
ورفع عني القصاص وسحق رأس الحيه


ووهبني الحياه الحياة الابديه
ووعدني ابقى معاه في المدينه السماويه


ده وهبني الميراث مش في الارض الفانيه
دا ميراث تاني ياناس دا في الارض الباقيه


وفي كل خطوه معايا وغسمه عمانوئيل
ماشي قدامي وورايا وبيرعاني نهار وليل


ومضلل عليا بحبه وعلى الدوام امين
حافظني بعينه وقلبه قد ايه نصيب ثمين



خريطة الموقع