كلمات ترنيمة : مع إنها صعبة الأيام

⁽¹⁾ مع إنها صعبة الأيام والشر
زاد في كل مكان


مابقاش خفي بل بالعيان عايزين نعيش لك
بالإيمان


^(ق) (شوَّقنا لكلامك والقعدة قدامك
وتوجهنا بسلطانك وصاياك تغلى علينا)2


⁽²⁾ نقف أمامك متضعين نصرخ إليك إنت الأمين
وفيك دوانا يا معين جايين بتوبة يا حنَّان


عن كل تيه وضلال راجعين عن كل زيف وشرور تايبين
وإنت اللي تغفر نروح لمين جايين بتوبة يا حنَّان


⁽³⁾ يمكن نكون مخدوعين ورا الطقوس متخفيين
والتقوى صورة العابدين جايين بتوبة يا حنَّان


أفكار كتيرة متحيرين ونفوس بغيرة مأسورين إحنا لفين وإحنا لمين جايين بتوبة يا حنَّان


⁽⁴⁾ أيام أخيرة يا مؤمنين إحنا لإيه ولمين عايشين وإن كان باقيلنا فيها يومين عايزين نعيشله بالإيمان


(ونشتاق لكلامه والقعدة قدامه ويوجهنا بسلطانه وصاياه تغلى علينا)2



خريطة الموقع