كلمات ترنيمة : مع ابناء النور

^(ق) مع ابناء النور اجعلنا مصابيح
لك ماليانة بنور يشهد للمسيح


⁽¹⁾ نلمس حد احتاج يلمس لطف الله
حبك يبقي علاج من اللي داق شفاه


⁽²⁾ تجبر المكسور بإيدين فينا ليك
والغرقان في بحور يأسه يشوفنا يديك


⁽³⁾ نجري نروح للضال بقبلات الآب
يرجع لك متشال علي كتف بلا عتاب


⁽⁴⁾ والمطرود من راعي همه حروف ومكان
هاته بخادم واعي يحتضنه كإنسان


⁽⁵⁾ والمطحون في بلاوي فقر وجوع مخيف
خليني أكون ناوي أقسم له الرغيف


⁽⁶⁾ الملحد مش عايزيسمع تاني نقاش
نِفسه بدون واعظ يلمس حق مُعاش


⁽⁷⁾ ارحم بالتائبين نفس ناوية تتوب
واستر بالراحمين المتغطي ذنوب


⁽⁸⁾ أطلق بالأحرار أسري ومسبيين
وخلص من النار بصليب الأمين


⁽⁹⁾ ابعت واحد يسعد اللي بقي له سنين
نفسه يشوف ناس تعبد بإسعاد الحزين


⁽¹⁰⁾ النفسية احتاجت حكماء روحيين
يعبروا بينا ساعة الظلمة مضيئين



خريطة الموقع