كلمات ترنيمة : معرفش ليه

⁽¹⁾ معرفش ليه مع أني مش قاصد نهائي أكون أناني
ولا عندي مانع إني افشل يوم و أجرب مرة تاني


أوقات كتير بحلم وببقي مُصر حلمي يكون عشاني
ولو مكانش ازعل واقول مش كل حاجه بتدهاني


^(ق) علمني لما أحلم تكون احلامي ماشية في خطتك ، واقدر اللي عملته ليا وأحبه ومابصش لغيري


ولما تمنع عني حاجه أشكر وانفذ رغبتك، وافهم ياربي أن انت قصدك في النهاية هو خيري


⁽²⁾ دايما بكون مستعجل الطلبة إللي بطلبها في صلاتي
مش قادر استني استجابتك ووقتك أنت برا حساباتي


أنا عايز امشي حسب مشيئتي وخطتي وترتيباتي
وبرفض اديلك يارب الفرصة أنت تقود حياتي


⁽³⁾ أخترت ياما لنفسي بس تعبت وتعبتك معايا
لأني باجي تملي ليك أول ما بفشل في النهاية


لكن خلاص عدي اللي عدي أنا في النهاردة وكده كفاية
أنا مش هقرر لنفسي تاني وهجيلك انت من البداية



خريطة الموقع