كلمات ترنيمة : من غير لمبه او شمعاية

⁽¹⁾ من غير لمبه او شمعاية
مش شايف ولا حاجة معايا
بتشنكل عمال اخبط
مين قدامي وايه اللي ورايا


بفتكر ساعتها واقول
ازاي ربي خلق الكون
لما قال النور يكون
دنيتنا دخلها النور


^(ق) نور نور نور في الضلمة
نور نور ده كلام الله
نور نور اقوي من العتمة
بيه شبعان الله الله


نور نور وهيملا بلادي
نور نور رغم الشرور
نور نور وسلام مش عادي
ده بنوره هنشوف النور


⁽²⁾ وان غلط في حق الله
وابليس يضحك ها ها ها
هجري قوام وافتح كتابي
احلي كلام ممكن اقراه


بيشجعني ويدي امان
ويقول اني غالي كمان
يطرد خوفي والاحزان
واتنطط وارجع مسرور


⁽³⁾ كلامه ثابت مش مهزوز
دايما احارب بيه بافوز
لازم اصلي واسبح بيه
اصله في قلبي اكيد محفوظ


والايات حلوه وعجباني
يا جمالها وهي علي لساني
بتغيرني وتشفي كياني
وجنبها مش بحتاج دكتور



خريطة الموقع