كلمات ترنيمة : من غير وداع

من غير وداع شادد رحاله فوق طريق السفر
من غير وداع ماشي لحاه ومش سايب أثر


شايف قباله أرض واسعة وضليلة
ونسيم يهز الورق الأخضر اللي فوق الشجر


من غير وداع شايل جرابه لملم سنينه اللي فاتت وغاب


لا بص لحزن أبوه ولا حن لشعره الأبيض اللي شاب


قلبه أنطفى هب أختفى من غير وداع وبعد سنين
قدمت تياب عزه وبانت ملامح غربته


ودار يدور ع اللي بيعزه مصادفش غير وحدته


قاعد مخاوي الحيرة ومصاحب الأحزان
زادت أيام العوزة وهرب منه الأمان


راسه بين إيديه سرحان يتأمل خطواته اللي تاهت


قلبه اللي في غربته موجوع شايل وساكت


مش لاقي اللي يفضفض معاه ويحكيله ع اللي بيوجعه


ولا إيد حبيب تطبطب عليه أو حد طيب يسمعه


وشاف أن دواه ف الطريق اللي يرجعه


وقام ولم الهم وقال بزيادة
وفك سلاسل توهته بإرادة


وقال أنا مش هاموت بجوعي هاقوم أخد سكة رجوعي


أرجع تاني لأبويا وارتمي في حضنه المفتوح


دي لمسة إيده الدافيه بلسم للمجروح


أبوه اللي مستني رجوعه من زمان


مستنهوش ينحني ويطلب الغفران


فتح صدره ليه ضم عليه بحنان



خريطة الموقع