كلمات ترنيمة : من قبل ما يطلبها لساني

⁽¹⁾ من قبل ما يطلبها لساني ويا دوب القلب بيولدها طلبايه من ضمن أماني ما لحقش لساني يحددها


سمعها ف قلبي اللي اتمنى سمعها ف تنهيده وأنه سمعها وف حبه اتأنى علشان توصلني في ميعادها


^(ق) مش بس بيسمع لصلاتي لكنه بيقدر يجاوبها


أوقاته كتير مش أوقاتي مواعيده وهو اللي حاسبها


⁽²⁾ دا أبويا الصالح والراعي وطريقي إليه وقت صلاه بيميل ودنه لسماعي وانا بافرح لما احكي معاه


ولا شيء ها يعوضني سلامه وحلاوة القعده قدامه شبعان من سيدي وكلامه دايما لي روح وحياه


⁽³⁾ وانا ليه أتضايق واتوتر وأشيل الهم على اكتافي ما إلهي بيديني الأكتر واللي بيديه دايما كافي


والخبره معاه تشهد إنه كل الإحسان دايما منه أوقات يتمهل ولكنه في الوعد أمين دايما وافي



خريطة الموقع