كلمات ترنيمة : من كل الأمم

من كل الأمم
من كل القبائل
من كل الشعوب


من كل الأمم
من كل القبائل
من كل لسان


أمام العرش وقوف
ربوات ألوف ألوف
جايين من كل مكان


جايين من ضيق وأنين
جايين من ظلم سنين
لابسين متسربلين
وعلى القيثارات عازفين


دول المفديين بالدم الثمين
شفتهم هاتفين وهم جايين


أمام الطغاة واقفين
يتحاكموا وهم صامتين
ع الظلم كمان صابرين
ودول للسما ناظرين


دول المفديين بالدم الثمين
شفتهم شاكرين وهم جايين


وسط الأتون ماشيين
جوه السجون راضيين
بالروح متعزيين
وبيسوع مسبيين


دول المفديين بالدم الثمين
شفتهم فرحين وهم جايين


بهوان وآلام عايشين
وتعب وعذاب شايفين
بإيمان وسلام شاعرين
وسط التهليل رافعين


دول المفديين بالدم الثمين
شفتهم غالبين وهم جايين


ترس الإيمان ماسكيين
خوذة الخلاص حاملين
قوات العدو غالبين
وأمجاد السما وارثين


دول المفديين بالدم الثمين
شفتهم واقفين وهم جايين


بيض الثياب لابسين
ولبيت الآب رايحين
دا ملايكة وقديسين
بصوت الترحيب قابلين


دول المفديين بالدم الثمين
شفتهم كاملين وهم جايين



خريطة الموقع