كلمات ترنيمة : منتظرك ثبت خطواتي

⁽¹⁾ منتظرك ثبت خطواتي
عمر ما وعدك لي خاب
حقك دايما نور لحياتي
قلبي يا ربي في حبك داب


^(ق) أفكارك لي سلام
هتشيلني كل الأيام
نفسي أقولك إني بحبك
صدقني عجز الكلام


⁽²⁾ منتظرك راح أشوف أمجادك تتحقق والحزن يزول
يوم ورا يوم راح أعيش أعيادك فرحك جوايا على طول


⁽³⁾ منتظرك والرؤيا أمامي عمر ما عيني عنها تحيد
روحك الصالح ماشي قدامي بالنصرة ويا التأييد


⁽⁴⁾ ع المحراث أنا حاطط إيدي
وشعاري مبادىء الملكوت
ويشرفني خدمة سيدي
بجد باقولها بأعلى صوت


⁽⁵⁾ لا سدوم وعمورة بتحنيني
ولا يبهرني نعيم نعمان
دا وجودك في حياتي يكفيني
خيرك فايض بيك شبعان



خريطة الموقع