كلمات ترنيمة : هانت هانت هانت

⁽¹⁾ هانت هانت هانت
قربنا نشوف فادينا
نتمتع بقربه
وصورته تملا عينيا


^(ق) ها نعيش على طول
ويا يسوع
في نهار على طول
من غير دموع


⁽²⁾ بانت المعالم
معالم المدينة
افرحوا يا أحباء
خلاص داخلين المينا


⁽³⁾ علامات السكة سليمة
دا الأمر اللي معزينا
مرحب بالضيق وأهلًا
دا وعد الرب لينا


⁽⁴⁾ ياللي إنت تحت صليبك
والحمل تقيل عليك
انظر ليسوع حبيبك
شايفك ومستنيك


⁽⁵⁾ يا مؤمن انفق واخدم
واكرم يسوع من قلبك
وهات وقتك م العالم
واوهبه لخدمة ربك


⁽⁶⁾ دي خسارة لحظة واحدة
تضيع في عالم فاني
وكل لحظة أعيشها
للي مات وأحياني


⁽⁷⁾ ماتغرينيش يا دنُيا
ماشي وسايبك قُريب
مهما كانت قساوتك
ده الرب قلبه طيب



خريطة الموقع