كلمات ترنيمة : هيمي يا نفسي

⁽¹⁾ هيمى يا نفسى واعلى يا روحى
فوق أثقال الجسديات
بصى لفوق وعنيكى مرفوعة
وإوعى تبكى الأرضيات:


روح الله عمال بيشدك
ويدوقك السماويات
وانتى لتحت بترثى لحالك
ماسكة ف ذكرى على الطرقات


^(ق) طيرى يا نفسى وياكى روحى
حلقى فوق فوق السحاب
دى مكتوبالك أمجاد عالية
تمتلكيها فى حضن اﻵب


⁽²⁾ دوقى يا نفسى واتلذذى
بالشهد اللى فى كلمته مكتوب
وعلى ذوقك واستطعمى
مخصوص علشانك ع المطلوب


دة ناصبلك مايدة سماوية
فيها شبع وغنى وروحانية
تدوقيها كمان تستحليها
تتطمن روحك عليها


⁽³⁾ إوعى يا نفسى تسيبى رجاءك
أو تنسى إيمانك بالله
فى ساعتها ارفعى جناحاتك
يوم ورا يوم واستنى لقاه


منتظروه بيجددوا قوة
وﻻ يتعبوا م المشى معاه
يركضوا دايما جرى وراه
زى النسر يطيروا لله



خريطة الموقع