كلمات ترنيمة : واحد أبيض واحد أسود

واحد أبيض واحد أسود واحد عكس التاني تمام


واحد ابن النور والتاني قلبه عنيد بيحب المال


كان في واحد أصله كبير كان غني قوي وفلوسه كتير


وواحد تاني اسمه لعازر كان غلبان قوي قوي وفقير


الغني كان بيحب فلوسه ولعازر بيحب الله


لكن بعد ما عاشوا زمانهم خسر الغني خيرات الله


ولعازر من بعد أتعابه فاز بيسوع فاز بسماه


مرة يسوع كان في الهيكل دخلت واحدة فقيرة عليه


شايلة معاها كيس عطاياها كان وياها يا دوب فلسين


ودخل واحد غني للهيكل كان وياه م الفضة كيسين


الغني أعطى من فضلاته كيس بشماله وكيس بيمين


إدت هي من أعوازها رغم حاجتها للفلسين


مرة واحد فكر يبني بيت ويخليه أجمل بيت


جه على حبة رمل وحط أول طوبة وأول حيط


وواحد جاره فكر يبني جه ع الصخر وحط البيت


وفي يوم هب الريح شديد هد حيطان بيت الرمل


أما الجار الشاطر كان كان يحميه بيت الصخر


واحد حط البيت ع الرمال والتاني ثبته فوق الصخر


واحدة إدت من أعوازها والغني من فضلاته إدى


واحد كان بيحب فلوسه ولعازر بيحب الله


واحد أبيض واحد اسود واحد عكس التاني تمام



خريطة الموقع