كلمات ترنيمة : وحشيتني كنيستي

⁽¹⁾ الواحد نفسه ف خلوه وأيام حلوه يومين ف الدير
وقفة صلوات بساعات بدموع وكلام م القلب كتير ..


قداس ف الفجر خضوع وخشوع وايمان في حضور الله
وتناول يسكن جسدي يطهر قلبي في سر كبير


^(ق) وحشتني كنيستي وقلبي فاكرها وليها خلاص حنيت
نفسيتي وحشه كمان من غيرها وهعمل ايه ؟!


من كتر ما قلبي اشتاق دلوقتي انا جيت وحكيت
حبيت اتكلم اقول الواحد نفسه ف ايه ؟!


⁽²⁾ تسبحه في كيهك ف عز الليل وسط حبايب وصحاب
صوره تجمعنا مع المزود كلنا اطفال وشباب ..


حد الشعانين وخميس العهد وفرحة ثوك تي تي جوم
قداس العيد جوه كنيستي ولمتنا ف حضن الأب


⁽³⁾ مسرح وكورال قبطي والحان وجمال وقت البروفات
خدمة أطفال فرحة رحلات ايامنا ف مؤتمرات


ضحكه من القلب ووعظه لابونا وقعده ف قرب يسوع
ومعسكر كشافه وطوابير و القوه ف الصيحات


⁽⁴⁾ وحشتني كنيستني بكل ما فيها وبجميع الأشياء
ويا بيت ربنا انا قلبي خلاص ف البعد اهو وداب واشتاق


افتحي ابوابك يا كنيسه ورجعي أحلي الأيام
ربنا ما يجيب ابدآ تاني غربه ولا بعاد وفراق



خريطة الموقع