كلمات ترنيمة : وسط بحر ذنوبي

وسط بحر ذنوبي باغرق والطريق أنا ماعرفوش


والزمن من عمري يسرق واللي جاي أنا ماضمنوش


أيوه كان في شيء في دمي شيء بيجذبني إليك


بس كنت تملي باضعف وأقسى من تاني عليك


منك إنت كنت باهرب ولذنوبي قلبي عاش


من بحور الشر باشرب بس قلبي مارتواش


مش هاقول كان مش بإيدي مش هاقول كانت ظروف


قلبي خلى الشر سيدي منه مابشوفش إلا خوف


يا إلهي عشت أنكر كل نبضة حب منك


وإنت قلبك كان بيغفر يمكن أرجع يوم لحضنك


فوق جبينك تاج بيبكي دم سايل ع الصليب


وفي إيديك مسمار بيحكي قصة الحب العجيب


بالخطية طعنت جنبك وإنت كنت يارب جنبي


لأجل ما تشيل عني عاري لأجل ما تشيل عني ذنبي


حبي ليك جوايا عايش حتى لو كان مستخبي


بس امسك إنت إيدي بس افتح انت قلبي



خريطة الموقع