كلمات ترنيمة : وسط ظروف البلد

⁽¹⁾ (وسط ظروف البلد الدايرة
رايحة لفين أهي ماشية
وسايرة كل الناس قلقانة وحايرة
وأنا متصان فيها ومطمن)2


^(ق) (أنا متصان فيها ومتطمن
أصل إلهي عليها مهيمن
يحصل مهما هايحصل فيها
أنا متشال في عينيه ومتأمن)2


⁽²⁾ (أخبار قتل وموت وجريمة
والأمان بقى موضة قديمة
والإنسان أصبح بلا قيمة
وأنا بدم يسوع متمن)2


⁽³⁾ (ضربة من ضرباته زمان
صارت الضلمة في مكان
وبيوت شعبه في نور وأمان
قلبه على شعبه بيتحنن)2


⁽⁴⁾ (مين يمسكها ومين يرأسها
لو حتى هيعيد تأسيسها
مش هشغل بالي ولا أدرسها
ولا هفضل أفكر وأخمن)2


⁽⁵⁾ (هو بإيده ماسك الدفة
وماعندوش أحداث بالصدفة
مهما عدو الخير يتخفى
الترتيب من فوق متزمن)2


⁽⁶⁾ (هو نورى وخلاص لي
هو حصنى فى طول ليالى
مين يوذينى ويقوى على
لو حتى فى هلاكى يفنن)2


⁽⁷⁾ (يعزل ملوك وينصب غيرها
والأزمنة هو يغيرها
لو قال كلمة مين يكسرها
واللي يفكر يبقى اتجنن)2


⁽⁸⁾ (بلدي مباركة دا صوته ووعده
وقت الضيق هيعدي وبعده
جاي المجد بفرحه وسعده
واللي مصدق وعده يأمن)2



خريطة الموقع