كلمات ترنيمة : وقت شكوكي

⁽¹⁾ (وقت شكوكي ألاقيك بتجيني
أصرخ ليك وانت تنجيني
ألقى مشاعر دافية في حضنك
ما انت الحصن اللي بيحميني)2


^(ق) ياللي بتسمع لي أنا بانده لك
يا حمايتي باصرخ محتاج لك
(تبقى معايا والقى حماية
وتحفظ قلبي اللي بيشتاق لك)2


⁽²⁾ (دايما شهواتي بتخدعني
ماتسبنيش يا أبويا إرفعني
وقت الضعف ألاقي إيديك
من قلب الطين بتطلعني)2


⁽³⁾ (كل جيوش إبليس حوالي
لكن ربي ماسك بايدي
أنا مش خايف لكن شايف
ربي حبيبي فتح لي عيني)2


⁽⁴⁾ (عارف إني عايش في عنادي
وفي عينيك زودت فسادي
لكن جاي لك طالب وجهك
بعد ما ضاقت بي يا فادي)2



خريطة الموقع