كلمات ترنيمة : وقت مخاوف

⁽¹⁾ وقت مخاوف الليل والعتمه
وصوت الريح والموج العالى
بيجى لقلبى الخاوى بكلمه
تفرق فيا تغير حالى


^(ق) سنداته بتجعلنى أغنى
هو صديق منتصف الليل
وقت غياب الكل يعينى
قريب منى وحملى يشيل


⁽²⁾ وقت صوت المرض العاتى
وكل رجاء على حافة الموت
يجى آلهى ويحيى مماتى
ويقيم فىّ وأعلى الصوت


⁽³⁾ ولما بضعفى بأضل وأخور
وما أكملش السكه معاه
لىّ مراحمه ولىّ النور
نفسى يرد وأقول ما أحلاه


⁽⁴⁾ لما بأحس فى خدمتى وحدى
ومش فاضل غير أنا ومخاوف
ييجى بأكله وبيها أعدى
لدرس جديد وأقوم مش خايف



خريطة الموقع