كلمات ترنيمة : وقت همومي الجأ

^(ق) وقت همومي ألجأ ليك
ألقيك مادد لي إيديك
دا أنا يا ربي واثق فيك
رامي كل الحمل عليك


⁽¹⁾ معايا في ظروفي الصعبة
تجيني حالا لما أناديك
تسندني في مشوار الغربة
مهما أشكر أنا مش أوفيك


⁽²⁾ حاسس بي في كل أوقاتي
مين في حنانك مين زييك
بلاقيك جنبي في وسط ضيقاتي
أصل أنا ديما مسنود بيك


⁽³⁾ لو ظلموني كل الناس
ربي شايفني أنت بعنيك
تنصفني وترفع لي الراس
قلت لي نعمتي هاتكفيك


⁽⁴⁾ كفاية تكون راضي عني
دا أنا يا ربي عشمان فيك
أنا معاك دايما متهني
يرتاح قلبي لما ألقيك



خريطة الموقع