كلمات ترنيمة : ولسه يا عدرا بتحني

⁽¹⁾ ولسه يا عدرا بتحني
وبتشيلي الهموم عني
وساعة لما بندهلك
بتيجي تقربي مني


ف وقت الخنقه والضيقه
بشوفك أم وصديقه
يا فرحه ف عز أحزاني
شفيعه جميله وبريئه


^(ق) مغيبتش عني ولا ثانيه
متتقارنيش ب ناس تانيه
يا اكتر واحده حبيتها
يا اطيب ام ف الدنيا


⁽²⁾ مفيش ولا ثانيه سبتيني
ناديتلك يوم سمعتيني
وياما يا أمي بحكيلك
وياما زمان سندتيني


يا بختي بحضنك الدافي
يا قلب ف الوجع شافي
يا شايلاني ف عينيكي سنين
وشايله هموم علي كتافي


⁽³⁾ يا اكبر فرحه ف حياتي
يا سامعه بكايا وصلاتي
يا ست الكل يا حبيبتي
معايا ف كل أوقاتي


انا الطفل اللي بيحبك
وماسك لسه ف ايديكي
ومهما الحزن بيطول
بترجع ضحكتي بيكي



خريطة الموقع