كلمات ترنيمة : يا الكرامة اللي نلناها

⁽¹⁾ يا الكرامة اللي نلناها
بالنعمة العظيمة
يا الرحمة اللي في غناها
جعلت لنا قيمة


^(ق) يسوع ابن الله
خد طبيعتنا وموتنا
وأعطى بدالها نجاة
بحياته لحياتنا


⁽²⁾ يا العز اللي دعانا ليه
الآب القدوس
لما عطانا للمسيح
بالروح القدوس


⁽³⁾ يا المجد اللي صار لينا
بالتبني فيه
ورثة وختم الروح علينا
وبكره نكون زييه


⁽⁴⁾ يا الفرح اللي انسكب فينا
بينابيع الخلاص
أنهار فايضة بحبه علينا
من جوه الأقداس


⁽⁵⁾ يا النصرة اللي صارت لينا
بقوة المصلوب
كل قوى الشيطان تحتينا
ورئيسهم مغلوب


⁽⁶⁾ يا السلام اللي أخذناه
ببر الإيمان
سلِّم حياتنا وادانا
سلامه كمان


⁽⁷⁾ يا الرفعة اللي انتشلتنا
م الموت والفساد
أصعدتنا وأجلستنا
مع سيد الأسياد


⁽⁸⁾ يا القوة اللي احتضنتنا
في عز القدير
جددتنا وشددتنا
ولسه عملها كبير


⁽⁹⁾ يا الفرح الأبدي بحياة
يسوع حمل الله
جسده مأكل حق ودمه
ثبات في الحياة


⁽¹⁰⁾ يا جمال التدبير والقصد
اللي ف قلب الآب
يجمع كل شيء للمجد
في حبيب الأحباب


⁽¹¹⁾ يا حلاوة التسبيح والحمد
في وليمة الحبيب
بموته وقيامته نشهد
ونقول جاي قريب



خريطة الموقع