كلمات ترنيمة : يا سيد الكون

^(ق) و يا سيد الكون أنا جاي وقاصدَك
وأنا خابِر قلبَك ومراحمَك
دا الحُب في يوم مزَّع جسدَك
والرحمة دي طبعك وف قلبك


على بابك تِستنَّى الخاطي
وبلهفة يا أبويا بيه بترحَّب
ويا سيد الكون أنا جاي وجاي
جاي وقاصدَك


⁽¹⁾ وبأجيلَك مكسور ومطاطِي
تُستُر وتدفدِف على ولَدك
وتحِن عليَّ أنا الخاطي
تُستُرني وتُغمُرني بحبك


مَطرَح ما وقِعت يا أبوي راح أقوم
مِطَّمِن هتمِد لي يدَّك
ويا سيد الكون أنا جاي وجاي
جاي وقاصدَك


⁽²⁾ ويا أبويا ع الخير اللي ف دارك
وروايح حُضنك وحنانك
اِقبَلني أكون مِن خُدَّامك
يكْفيني أعيش على طول جارَك


يكْفيني أشوفَك و أتدَّارَى
وأتطلَّع في ملامِح وجهك
ويا سيد الكون أنا جاي وجاي
جاي وقاصدَك


مُشتاق لصوتك ف وداني
اِحسِبني أجير وأفضَل جنبك
راح أحِب وأقبِّل أقدامك
ما أقدَرش أعيش وأنا مِتغرَّب


أنا خابِر قلبَك قلب حنون
وعشان كدا جاي يا يسوع قصدَك
ويا سيد الكون أنا جاي وجاي
جاي وقاصدَك



خريطة الموقع