كلمات ترنيمة : يا من لا تحجب وجهك

يامن لا تحجب وجهك عن طالبيك
وكل اللي عايزة مني اني اامن بيك
انك تقدر تفعل وبامرك راح يكون
سيدي سيدي سيدي الحنون


راكع قدامك طالب سلامك عارف حنانك انة مالوش مثيل
اسمعني صوتك خليني اشوفك واسكن حصونك وايماني يكون دليل
ده انا ياما هربت منك واتكلت علي نفسي وحسبت بكرا ده ملكي واني ملك نفسي
ومعملتلكش حساب عشت الايام في عذاب وانا جايك غيرني


علمني احبك واشبع بحبك واكون في قربك دايما في طاعة ليك
خليني اكون لك اشبعني منك اعيش في حضنك وحمايتي تكونك فيك
انت تكون اهتمامي واوهب انا ليك عمري املك علي كل ايامي وبحقك حررني
ده العالم كلة خداع ولكل احبابة باع وانا جايلك غيرني


بالروح قويني انزع آنيني جايلك احميني من كل كبرياء
انت اشفيني وارفع جبيني وكن معيني وانت تبقي الرجاء
علمني احب غيري زي انت ماحبيتني ياللي سددت ديني تعالي واملكني
خليني اعيش مسئول وبكلامك اقول وانا جايلك طمني



خريطة الموقع