كلمات ترنيمة : يالا هنبدأ رحلة صوم

⁽¹⁾ يلا هنبداء رحلة صوم هنصوم 55 يوم
أوعى تبين أنك يوم من كتر الصيام مهموم
خلى صيامك دايما بركة ليك


مش علشان الناس تشاورعليك
الصوم ويا الصلاة والصدقة يبقوا قصاد عنيك


⁽²⁾ أول حد حد الكنوز ربنا قال اللى هيفوز
اللى عايز السما بيته كنزه ما يعرف ياكله السوس
اكنزوا لانفسكم فى السما كنوز


حيث لا يسرقه سارق ولا يفسده سوس
خلى عينك على الابدية هناك كنزك محفوظ


⁽³⁾ تانى حد وتانى اسبوع الشيطان كان فيه مغلوب
لما جرب بابا يسوع رد عليه وقاله مكتوب
ليس بالخبز وحده يحيا الانسان


للرب إلهك تسجد وحده بإيمان
لا تجرب الرب إلهك أذهب يا شيطان


⁽⁴⁾ تالت حد الابن الضال قلبه عنيد واختار المال
وبعد ما راح العز وزال
قدم توبة لأبوه وقال
أخطأت ياأبي في السماء وقدامك


ولست مستحقًا إجعلني كخدامك
قدم توبة بسرعة قوام ده إلهك جه علشانك


⁽⁵⁾ ورابع حد السامرية كانت طالعة في الضهرية
طلب يسوع منها المية قالتله إزاي أنا سامرية
قالها لو تعلمين عطية الله


لطلبتي انتِ منه ماء الحياة
ربنا دايمًا عينه سهرانة بيدور عالخطاة


⁽⁶⁾ والحد الخامس كان فيه المخلع كان مهموم
مستني اللي يرميه في البركة علشان يقوم
جاله يسوع وقاله احمل سريرك


وامشي يالا بسرعة وروح على بيتك
لما تبقى في ضيقة تلاقي يسوع ماسك بإيدك


⁽⁷⁾ والسادس المولود أعمى اللي كان عايش حزين
شافه يسوع وبرقة قلبه مد ايديه وخلق له عنين
وقال له روح اغتسل في بركة سلوام


وفعلا راح بسرعة وسمع الكلام
يسوع هو النور لعنينا بيدينا السلام


⁽⁸⁾ والسابع حد الشعانين راح يسوع لأورشليم
واستقبله كل الناس استقبال ملك عظيم
مبارك هو الآتي باسم رب الجنود


باركنا خلصنا اوصنا يا ابن داود
ربنا ساكن فينا بحبه لينا ملوش حدود



خريطة الموقع