كلمات ترنيمة : ياللي بتسند القلوب

⁽¹⁾ ياللي بتسند القلوب
تعال واسند قلبي
سلم لي على المحبوب
واسمح وصَّل له حُبي


^(ق) هو حبيبي
وحده حبيبي
وإخترته هو
وحده نصيبي


⁽²⁾ قوله دا السكة صعبة
عمال طالع ونازل
مليانه كرب ورهبة
وحرب مع العوازل


⁽³⁾ قوله إني مسنود
وطمنه عليَّ
فايز على الحسود
بنعمتك الغنية


⁽⁴⁾ قوله عبدك بيحبك
على قد ما يقدر
لكن مشتاق يحبك
على قد ما تقدر


⁽⁵⁾ قوله لا يمكن أسيبك
ولا أمشي مع غيرك
اقبل سلام حبيبك
اللي عايش في خيرك


⁽⁶⁾ قوله إني مستنيه
والشوق في القلب ماليه
ياريت تبعت وتقولي
ع الوقت اللي جاي فيه


⁽⁷⁾ قوله إني ممنون
على جميع ألطافك
يا راعينا الحنون
اقبل سلام خرافك



خريطة الموقع