كلمات ترنيمة : ياللي عرفت الرب يسوع

⁽¹⁾ يا اللي عرفت الرب يسوع
واتمتعت بنور إنجيله
عالم كله أنين ودموع
ليه حنيت لظلامه وليله


⁽²⁾ ليه دورت على الخرنوب
والخير كله في بيت الآب
فكر دا انت ابنه المحبوب
وارجع للبيت والأحباب


⁽³⁾ حبك ضحى بنفسه عشانك
داق الموت بصليب العار
حضن الرب دا هو مكانك
سيبك من مشي الأشرار


⁽⁴⁾ وبأعمالك كنت بتحزن
روح الله الساكن فيك
دايما تنسى إنك مؤمن
رغم دا كله عينه عليك


⁽⁵⁾ عسل العالم عمره ما ينفع
إيه يحصل لو دست عليه
بس كلام الرب بيشبع
عود لإلهك واشبع بيه


⁽⁶⁾ فرح العالم مش ها يدوم
باطل كله وقبض الريح
لكن بكره ها يجي اليوم
وها نتهنى مع المسيح



خريطة الموقع