كلمات ترنيمة : ياما ف بعدي

ياما ف بعدي قرب مني وناداني يإسمي وحاكاني
وعلى بابي يوقف مستني وما عرفته إنه اللي فداني
ياما كتير سمعت الصوت ومن جهلي ما تركته يفوت
وانا واقع في حبال الموت متمرمر قلبي في زماني


ياما وياما تعبت ليالي وأنا عم فتش وهوي قبالي
بسأل عنه كل الناس ويا مين يجاوب سؤالي
من حيرة قلبي صرختله عرفني ع ذاتك قلتله
ضاع الأمل وعمري كله خلصني يا ربي أرحم حالي


فجأه بنوره فتحلي عيني وكشفلي كل اللي في
وعرفت اللي مقسي قلبي أتاريه مليان بالخطية
بدموع التوبة صليت ولأول مرة حسيت
إني ما بدي غيره يسوع يسود ويتملك علي


وأرتاح القلب المحير وانفتح الباب اللي مسكر
وحملتني بإيده الأبدية وبسلامه الإحساس اتغير
بلش قلبي يدوق الحب شال الحمل وكل الذنب
وأنا سلمته كل القلب وصلاتي سمعها وما أتأخر


وهلا ناطر تنو يرجع ولعنده لبيته رح أطلع
رح شوفه اوقف قدامه وصوته وكلماته رح أسمع
ما عاد الموت يخوفني داسه يسوع ومنه خطفني
ولا قوة راح توقفني من حبه رح أروي تإشبع



خريطة الموقع