كلمات ترنيمة : يسوع بالحب أكبر

فوق حدود الفهم عندي وعدى كل التوقعات
الإله إزاي حاببني وأنا واحد خاطي مات
تحبني وأنا ماستاهلش وتشيل عني موتي الأكيد
وقلبي كان لرب غيرك استعبدني بايد من حديد
حبك إنت يارب واضح زي شمس بتنهي ليل
وإنت جاي تقول مسامح والصليب أكبر دليل


محبتك جذبتني لك وبنعمتك أنا صرت ليك
وكل لحظة أنا عايزة أعيشها بتسبيحاتي بين إيديك
أعلى اسمك فوق يا غالي وأشهدلك ليلي ونهاري
وأقول لكل اللي ماعرفكشي إنت نوري وطريق حياتي


ونفسي أقول للدنيا عنك وألاقي كلمة تعبر أكتر
وأروح كمان أشهد لأهلي وأقول يسوع بالحب أكبر
حررتني بدمك وصار لي الدخول بيه للديار
وادينبي بهتف بافتخار الحياة بيسوع البار



خريطة الموقع