كلمات ترنيمة : يسوع غيرني

^(ق) يسوع غيَّرني مش درجة ولا اتنين
مية وتمانين


نوَّر لي حياتي من
بعد الضلمة سنين
عايش ترنيم
عايش ترنيم


⁽¹⁾ طهَّر أفكاري قدَّس نظراتي
سلِّمته أموري وجميع قراراتي


وبقيت انا ابنه وجمالي دا منه
والماضي هاينسى ولما اقسى هاياخدني في حضنه


⁽²⁾ خلاني قريب فرحان بوعوده
عايش حرية أمجاد أولاده


من قبل الكون أنا فيه معلوم
عايش متحرَّر متبرَّر أنا من غير لوم


⁽³⁾ لا أنا مش خايف أو قلقان مني
معقولة فداني ومش هايكملني ؟!


ضامن في الرحلة هايكونلي معينها
حتماً هايكمِّل ويجمِّل للصورة بعينها


⁽⁴⁾ لفاديَّ هارنم وارفعله صوتي
وهاقول للعالم مابقيتش في موتي


وملالي لساني تسبيح وأغاني
باشهد عن مجده دا مين قدُّه غيَّر في كياني



خريطة الموقع