كلمات ترنيمة : يسوع قال لي أنا حارسك

⁽¹⁾ يسوع قال لي أنا حارسك
مالك خايف من إيه
حملك واخذته عنك مالك تعبان من إيه


خوفك دا عدم إيمان
تعبك دا مالوهش مكان


سلمت الدفة لمين
يحدفها شمال ويمين
ليه تايه يا مسكين
وأنا لك ملجأ ومعين


ليه تعيش في الدنيا شريد
وانت ليك كل المواعيد


دا أنا عندي ليك بركات
بس انت قول لي هات


أديك من غير حساب
خيرات من عند الآب


⁽²⁾ في نهاية ألمي وتعبى
قلت لهم أنا عطشان


وفي عطشي وظمأي رويتك
وبروحي بقيت مليان


تصرخ دايما وحزين
وكأنه مالكش معين


سلمت الدفة لمين
يحدفها شمال ويمين
ليه تايه يا مسكين
وانا لك ملجأ ومعين


ليه تعيش في عطش وفي جوع
ليه عينيك مليانة دموع


دا أنا عندي ليك بركات
بس انت قول لي هات


أديك من غير حساب
خيرات من عند الآب


⁽³⁾ نكست عشانك راسي
إكليلي كان أشواك


وفي موتي وجدت حياتك
بعد ما زالت خطاياك


ليه أنا شايفك زعلان
كان أملي تكون فرحان


سلمت الدفة لمين
يحدفها شمال ويمين
ليه تايه يا مسكين
وأنا لك ملجأ ومعين


ليه تعيش عبد ومملوك
وانت أبوك ملك الملوك


دا أنا عندي ليك بركات
بس انت قول لي هات


أديك من غير حساب
خيرات من عند الآب



خريطة الموقع