كلمات ترنيمة : يسوع وعد يحول

يسوع وعد يحول قفارنا لبساتين وفي البرية نفرح ونصبح غالبين


والبركة تملا قلوبنا واليأس هايبقى ثمار والضعف يبقى قوة ويسوع لينا انتصار


وعدك لينا أمين تحيي في وسط السنين راح تلمسنا وتنهضنا ده شوق المؤمنين


بساتين العالم تبقى لينا صحرا وقفار أنظارنا إليك مرفوعة تتملى جمال البار


زمن افتقادك جاي بإيمان ليك منتظرين ونفوس تندم وترجع م العالم الحزين


منتظرين إحنا عجايب آيات ومعجزات وحصون إبليس تتكسر بينا تخلص ربوات


أمانينا معاك تتحق أتاعبنا بنصرة تغيب ماشيين وياك بنصدق في وعدك العجيب


أفراحنا اليوم راح تشهد بإيماننا في شخص البار والروح جوانا يأكد غالبين أوجاع ومرار


وحياتنا ماليها سلامك سلطانك ويا كلامك وأنين في القلب بيهرب ومكانه بييجي حنانك


وبروحك فينا ننادي بوعودك لينا يا فادي لقلوب بجروح مكسورة وعمر عايش باكي


ده في حضنك كل الراحة حضنك مليان بأمان وإن جات سهام جراحة يفضل قلبنا فرحان


وهاتفضل لينا فادينا ومليكنا وأحلى ما لينا نوهبنا عمرنا كله ونفرح قلبك بينا


يسوع وعد يقودنا من نصر لانتصارات وبقوة دمه فينا نسحق باسمه قوات


كسهام في إيد جبار إحنا في يد القدير يغسلنا بقوة روحه نكسر قلب الشرير


أنهار الروح تغمرنا وتفيض ع المنتظرين وهتاف للحي هايعلى دا هتاف المنتصرين



خريطة الموقع