كلمات ترنيمة : يقولوا

يقولوا متاعب يقولوا كوارث وانا مطمن وبالراحه حاسس
لأن إلهي في قلبي جالس هو ابويا وبهمومي حاسس


بيقولوا مشاكل والدنيا غلا تلاقيني بغني حبات الندى
وأسبح يسوعي إلهي اللي فدا نفسى م الحفره وعليا نادى
أسمع صوته اللي بإسمي شدى دايما متابعني وعلي باصص


يقولوا زلازل في كل مكان والرعب مالي قلب الإنسان
وبلاد كتيره غرقها الفيضان وبلاد حرقها نار البركان
وأنا مسبي وناظر لإلهي الحنان حبيبي وملوش في قلبي منافس


إلهي بيقوي قلبي الضعيف نيره هين وحمله خفيف
بحس بسلامه في عالم عنيف وعده بيحمي من واقع مخيف
ولأني غريب وع الدنيا ضيف لا يهم غناها ولا بتعبها حاسس



خريطة الموقع